‘ఇండియన్ 2’ తాత వయసు ఎంతంటే?.. శంకర్ తెలివిగా తప్పించుకున్నాడే

కమల్ హాసన్, శంకర్ కాంబోలో 1996 ఇండియన్ సినిమా వచ్చింది. మళ్లీ ఇన్నేళ్ల తరువాత ఇండియన్ 2 మూవీ రాబోతోంది. జూలై 12న ఈ చిత్రం విడుదలకు సిద్దంగా ఉంది. అయితే ఇండియన్ మూవీలో సేనాపతి పాత్రకు 75 ఏళ్లు ఉంటాయి. స్వతంత్ర సమరయోధుడిగా సేనాపతి అద్భతుంగా కనిపించాడు. ఆ కారెక్టర్‌లో కమల్ హాసన్ తప్ప మరేతర నటుడు సరిపోడు అనేట్టుగా నటించేశాడు. మళ్లీ సేనాపతి వస్తున్నాడంటే అవినీత పరులతో పాటుగా బాక్సాఫీస్ కూడా గడగడ వణికిపోవాల్సిందే.

ఇండియన్ 2 ఎన్ని అవాంతరాలను దాటుకుని వస్తోందో ప్రత్యేకంగా చెప్పాల్సిన పని లేదు. మధ్యలో ఈ మూవీని అటకెక్కించారు. విక్రమ్ బ్లాక్ బస్టర్ అవ్వడంతో ఇండియన్ 2 మళ్లీ లైన్లోకి వచ్చింది. పనిలో పని అన్నట్టుగా ఇండియన్ 3 షూటింగ్ కూడా పూర్తి చేశాడు శంకర్. ఇప్పుడు ఈ మూవీ ప్రమోషన్స్‌లో సిద్దార్థ్, రకుల్, కమల్ హాసన్, శంకర్ ఫుల్ బిజీగా మారిపోయారు.

ఇండియన్ 2 ట్రైలర్‌ను గమనిస్తే.. అందులో సేనాపతి 1918లో పుట్టినట్టుగా కనిపిస్తుంది. అంటే తాత వయసు 106 అని చెప్పుకోవచ్చు. ఇదే ప్రశ్న కమల్ హాసన్, శంకర్‌లకు కూడా ఎదురైంది. కమల్ హాసన్ అయితే.. సూపర్ హీరోకి వయసు ఉంటుందా? అని చెప్పి తప్పించుకున్నాడు. శంకర్ కూడా ఇదే తరహాలో చెప్పాాడు. కానీ కాస్త వివరించాడు.

ఇండియన్ సినిమా అనుకున్నప్పుడు.. మళ్లీ ఇన్నేళ్లకు ఒక సీక్వెల్ తీస్తానని అనుకోలేదట. ఇండియన్ సినిమాలో సేనాపతి పాత్రని పోరాట యోధుడు, ఇండిపెండెన్స్ కోసం పోరాడిన వ్యక్తిగా చూపించానని, అందుకు తగ్గట్టుగానే అప్పుడు ఆ వయసు కారెక్టర్‌ను చూపించానని అన్నాడు. మార్షల్ ఆర్టిస్ట్ మాస్టర్‌ కావడంతో ఆయన ఇంకా ఫిట్‌గానే ఉంటారని, చైనాలో 108 ఏళ్ల వ్యక్తి ఇంకా ఫైట్స్ చేస్తాడు జంప్స్ చేస్తుంటాడని శంకర్ చెప్పుకొచ్చాడు. అందుకే నార్మల్ పీపుల్స్‌కు వర్తించే నియమాలు సేనాపతికి వర్తించవని శంకర్ తెలిపాడు. అంటే సేనాపతి వయసుతో పని లేదని చెప్పకనే చెప్పేశాడు శంకర్.

ఇటువంటి మరిన్ని వార్తలు సమయం తెలుగులో చదవండి. లేటెస్ట్ వార్తలు, సిటీ వార్తలు, జాతీయ వార్తలు, బిజినెస్ వార్తలు, క్రీడా వార్తలు, రాశిఫలాలు ఇంకా లైఫ్‌స్టైల్ అప్‌డేట్లు మొదలగునవి తెలుసుకోండి. వీడియోలను TimesXP లో చూడండి.

2024-07-02T15:09:53Z dg43tfdfdgfd