ఇన్నాళ్లకు దొరికిపోయిన రాఘవ లారెన్స్!

రాఘవ లారెన్స్ ఏ స్థాయి నుంచి ఏ స్థాయి వరకు వెళ్లాడో అందరికీ తెలిసిందే. గ్రూపు డ్యాన్సర్ నుంచి కొరియోగ్రాఫర్‌గా, డైరెక్టర్‌గా, మ్యూజిక్ డైరెక్టర్‌గా, హీరోగా ఇలా అన్నింట్లోనూ తన మార్క్ వేసుకున్నాడు లారెన్స్. అయితే లారెన్స్‌కు మంచి మ్యూజిక్ టేస్ట్ ఉందన్న సంగతి ప్రత్యేకంగా చెప్పాల్సిన పని లేదు. లారెన్స్ సినిమాలు మ్యూజికల్‌గానే బాగానే ఉంటాయి. ఇక సొంతంగానూ లారెన్స్ తన సినిమాలకు కంపోజ్ చేసుకుంటాడు. ఇక ఇప్పుడు డాన్ సినిమాలోని ఇంతందంగా ఉన్నావే ఎవరే నువ్వు పాట ఒక్కసారిగా ఇన్ స్టా, ట్విట్టర్‌లో ట్రెండ్ అవుతోంది.

డాన్ సినిమాలో లారెన్స్ నటించాడు. దర్శకత్వం వహించాడు. పాటలకు సంగీతాన్ని అందించాడు. అందులోని మెలోడీ సాంగ్ ఇప్పుడు వైరల్ అవుతోంది. ఇంతందంగా ఉన్నావే ఎవరే నువ్వు అనే పాట అప్పట్లో బాగానే హిట్ అయింది. అయితే లారెన్స్ ఇంత మంచి మెలోడీ పాటను ఇవ్వడంతో అప్పట్లో అంతా ఫిదా అయ్యారు. కానీ ఈ పాట ఒరిజినల్ ఇప్పుడు బయటకు వచ్చింది.

సాయి కిరణ్ హీరోగా నటించిన సువర్ణ సినిమాలోని ఈ పాటను లారెన్స్ తెలివిగా డాన్ సినిమాలో వాడేసుకున్నాడు. అదే ట్యూన్, పాట స్టార్టింగ్ లిరిక్స్‌ను వాడేసుకున్నాడు. కానీ దానికి కాస్త తన స్టైల్‌ను టచ్ చేశాడు లారెన్స్. పాట వచ్చిన ఇన్నేళ్లకు ఇలా దాని ఒరిజినల్‌ను ట్రెండ్ చేస్తున్నారు. దీంతో లారెన్స్ మామ ఇంత మోసం చేశాడా? అని జనాలు షాక్ అవుతున్నారు.

లారెన్స్ కాపీ కొట్టిన పాట.. ఇన్నేళ్లకు బయటపడింది.. తమన్ కాపీ కొడితే వెంటనే పట్టేస్తారు.. లారెన్స్ గ్రేట్ అంటూ షాక్ అవుతున్నారు. మొత్తానికి ఈ పాట మాత్రం మళ్లీ ట్రెండ్ అవుతోంది.

ఇటువంటి మరిన్ని వార్తలు సమయం తెలుగులో చదవండి. లేటెస్ట్ వార్తలు, సిటీ వార్తలు, జాతీయ వార్తలు, బిజినెస్ వార్తలు, క్రీడా వార్తలు, రాశిఫలాలు ఇంకా లైఫ్‌స్టైల్ అప్‌డేట్లు మొదలగునవి తెలుసుకోండి. వీడియోలను TimesXP లో చూడండి.

2024-07-01T09:50:05Z dg43tfdfdgfd