MESHA RASI UGADI RASI PHALALU 2024-25 శ్రీ ‘క్రోధి’ నామ సంవత్సరంలో మేషరాశి వారికి అన్ని రంగాల్లో విజయం వరించనుందా?

Mesha Rasi Ugadi Rasi Phalalu 2024-25: తెలుగు పంచాంగం ప్రకారం, శ్రీ ‘క్రోధి’ నామ సంవత్సరంలో మేష రాశి వారిపై గ్రహాల ప్రభావం ఎలా ఉంటుంది.. ఉద్యోగం, ఆరోగ్యం, వ్యాపారంతో పాటు ఇతర రంగాల్లో ఎలాంటి మార్పులొస్తాయనే పూర్తి వివరాలను ఇప్పుడు తెలుసుకుందాం...

Mesha Rasi Ugadi Rasi Phalalu 2024-25: హిందూ పంచాంగం ప్రకారం, ఈ ఏడాది ఏప్రిల్ 9వ తేదీన మంగళవారం రోజున శ్రీ ‘క్రోధి’ నామ సంవత్సరం ప్రారంభమవుతుంది. వైదిక క్యాలెండర్ ప్రకారం, ఛైత్ర నవరాత్రులు కూడా ఈరోజు నుంచే ప్రారంభమవుతాయి. ఇదిలా ఉండగా జ్యోతిష్యం ప్రకారం, మేష రాశి వారికి అంగారకుడు(కుజుడు) అధిపతిగా ఉంటాడు. ఈ గ్రహం ప్రభావంతో వీరు చాలా ధైర్యంగా, ఉత్సాహంగా ఉంటారు. అంతేకాదు అందంగా, ఆకర్షణీయంగా, కళాత్మకంగా ఉంటారు. ఈ సందర్భంగా తెలుగు నూతన సంవత్సరంలో మేష రాశి జాతకాన్ని పరిశీలిస్తే, ఈ రాశి వారికి ప్రారంభంలో మంచిగా ఉంటుంది. ఈ కాలంలో మీరు సవాళ్లు, అడ్డంకులు ఎదుర్కొనే అవకాశం ఉంది. అయితే మీరు అంతిమంగా విజయాలు సాధించే అవకాశాలున్నాయి. ఈ నేపథ్యంలో మేష రాశి వారికి, ఆదాయ పరంగా, ఆరోగ్యం, కుటుంబ జీవితంలో ఎలాంటి ఫలితాలు రానున్నాయనే ఆసక్తికరమైన విషయాలను ఇప్పుడు తెలుసుకుందాం...మేషరాశిలో గ్రహాల సంచారం..

జ్యోతిష్యశాస్త్రం ప్రకారం, తెలుగు నూతన సంవత్సరంలో శ్రీ క్రోధి నామ సంవత్సరంలో మేష రాశి వారికి శుభ ఫలితాలు రానున్నాయి. ముఖ్యంగా ఉద్యోగులకు పురోగతి లభిస్తుంది. నిరుద్యోగులకు ఉద్యోగం గురించి శుభవార్తలు వినిపిస్తాయి. కొత్త ఏడాదిలో ఏప్రిల్ మాసంలో నాలుగు ప్రధాన గ్రహాలు తమ స్థానాలను మారనున్నాయి. సూర్యుడు, కుజుడు, శుక్రుడు బుధుడు ఒక రాశి నుంచి మరొకరాశిలో ప్రవేశించనున్నారు. ఈ సమయంలో మేష రాశి వారికి మెరుగైన ఫలితాలొచ్చే అవకాశాలున్నాయి.​April Grah Gochar 2024 ఏప్రిల్ నెలలో 4 గ్రహాల కలయికతో చతుర్గ్రాహి యోగం.. ఈ 5 రాశులకు ఆర్థిక లాభాలు..!​

ఆదాయం-8, వ్యయం-14

మేష రాశి వారికి తెలుగు నూతన సంవత్సరంలో ఆదాయం కంటే ఖర్చులు ఎక్కువగా ఉండే అవకాశాలున్నాయి. ఈ కాలంలో మీరు ఆస్తి, బంగారం, స్టాక్స్‌లో పెట్టుబడులు పెట్టే అవకాశం ఉంది. మీ ఆర్థక పరిస్థితి మెరుగ్గా ఉంటుంది. మీ భాగస్వామితో జీవితం ఆనందంగా ఉంటుంది. ఈ కాలంలో మీ కీర్తి, ప్రతిష్టలు పెరుగుతాయి.

కుటుంబ జీవితంలో..

ఈ రాశి వారికి శ్రీ ‘క్రోధి’నామ సంవత్సరంలో కుటుంబ జీవితంలో అనుకూలంగా ఉంటుంది. ఏప్రిల్ తర్వాత మీ కుటుంబ సభ్యుల సంఖ్య పెరగొచ్చు. మీరు సోదరులు, సోదరీమణుల నుంచి పూర్తి మద్దతు పొందుతారు. ఈ కాలంలో గురుడి ప్రభావంతో శుభ ఫలితాలొస్తాయి. ఈ రాశి నుంచి ఐదో స్థానంలో గురుడు, శని కలయిక వల్ల మీ పిల్లలు పురోగతి సాధిస్తారు. అవివాహితులకు మంచి వివాహ సంబంధం వచ్చే అవకాశం ఉంది.

విద్యా పరంగా..

ఈ రాశి విద్యార్థులు తెలుగు నూతన సంవత్సరంలో కొన్ని సవాళ్లను ఎదుర్కోవాల్సి ఉంటుంది. అయితే ప్రణాళిక ప్రకారం పని చేసి విజయం సాధిస్తారు. మీ జీవితంలో సానుకూల శక్తి పెరుగుతుంది. మీ కోరికలు నెరవేరే అవకాశం ఉంది. 2024 మే నెలలో గురుడి సంచారంతో మీకు కొత్త అవకాశాలొస్తాయి. ఆధ్యాత్మిక కార్యకలాపాలపై ఆసక్తి పెంచుకుంటారు.

కెరీర్ పరంగా..

ఈ రాశి వారికి తెలుగు నూతన సంవత్సరంలో కెరీర్ పరంగా మంచి పురోగతి లభిస్తుంది. ఉద్యోగులు ప్రమోషన్ పొందే అవకాశం ఉంది. సీనియర్ల నుంచి మద్దతు లభిస్తుంది. ఈ కాలంలో మీరు కొత్త వ్యాపారాన్ని ప్రారంభించొచ్చు. మీరు ధైర్యంగా రిస్క్ తీసుకుని కొన్ని ప్రయత్నాలు చేయొచ్చు. రాహువు ప్రభావంతో మీ కోరికలు నెరవేరే అవకాశం ఉంది.

ఆరోగ్య పరంగా..

ఈ రాశి వారు కొత్త ఏడాదిలో గురుడి ప్రభావంతో మెరుగైన ఆరోగ్య ఫలితాలను పొందుతారు. మీ మనసులో ఎల్లప్పుడూ మంచి ఆలోచనలు వస్తాయి. మీరు మానసికంగా మంచి ఫలితాలను పొందుతారు. మీరు వాతావరణం పట్ల జాగ్రత్తగా ఉండాలి. ఆరోగ్యం పట్ల జాగ్రత్తగా ఉండాలి. రాహువు, కేతువుల సంచారంతో మీ ఆరోగ్యంపై కొంత ప్రభావం పడుతుంది. ఈ సమయంలో జాగ్రత్తగా ఉండాలి.

వివాహ జీవితంలో..

ఈ రాశి వారు తెలుగు నూతన సంవత్సరంలో వివాహ జీవితం విషయంలో కొన్ని ఇబ్బందులు ఎదుర్కోవాల్సి వస్తుంది. కాబట్టి మీరు చాలా జాగ్రత్తగా ఉండాలి. కొన్ని నెలల పాటు మీరు విఫలం చెందే అవకాశాలున్నాయి. ఏదైనా సమస్యలుంటే జ్యోతిష్యుడిని సంప్రదించడం చాలా మంచిది.

పాటించాల్సిన పరిహారాలు..

* మేషరాశి వారు ఆదాయం పెంచుకునేందుకు శ్రీ వెంకటేశ్వర స్వామిని పూజించాలి. * ప్రతిరోజూ సూర్యుడికి అర్ఘ్యం సమర్పించాలి.* మంగళవారం రోజున ఉపవాసం ఉండి హనుమాన్ చాలీసా పఠించాలి.* మీ సామర్థ్యం మేరకు గోమాతకు వేరుశనగలు తినిపించాలి. * దుర్గాదేవిని పూజించడం వల్ల శుభ ఫలితాలొస్తాయి.గమనిక : ఇక్కడ అందించిన సమాచారం, పరిహారాలన్నీ మత విశ్వాసాలపై ఆధారపడి ఉన్నాయి. ఇవి కేవలం ఊహాల ఆధారంగా ఇవ్వబడింది. దీనికి సంబంధించి ఎలాంటి శాస్త్రీయ ఆధారాలు లేవు. ఈ సమాచారాన్ని మీరు పరిగణనలోకి తీసుకునేందుకు సంబంధిత నిపుణులను సంప్రదించి పూర్తి వివరాలను తెలుసుకోగలరు. పై సమాచారాన్ని ‘‘సమయం తెలుగు’’ దృవీకరించడం లేదు.Read Latest Astrology News and Telugu News