దగ్గరుండి భర్తకు మూడో పెళ్లిచేసిన ఇద్దరు భార్యలు.. ఎందుకో తెలుసా?

భర్త తాగుబోతైనా.. జూదగాడైనా భార్య భరిస్తుంది కానీ.. తనకు పంచాల్సిన ప్రేమను మరొక మహిళకు పంచితే మాత్రం తట్టుకోలేదు. ఎన్ని కష్టాలనైనా ఓర్చుకుంటుంది కానీ.. సవతి పోరును అంగీకరించలేదు. భర్త జీవితంలోకి మరో స్త్రీ ప్రవేశించిందని ఏ భార్య సహించలేదు. ఈ విషయంలో ఆమె రాజీలేని పోరాటమే చేస్తుంది. కానీ, ఓ వ్యక్తికి మాత్రం అతడి ఇద్దరు భార్యలు దగ్గరుండి మరీ మూడో పెళ్లి చేయడం గమనార్హం. అతడికి మొదటి వివాహం కాగా.. మొదటి భార్య వల్ల సంతానం కలగకపోవడంతో రెండో పెళ్లి చేసుకున్నాడు. ఆమె ద్వారా ఓ అబ్బాయిని కన్నాడు. 2007లో బాబు పుట్టగా.. ఆమె ఇప్పటి వరకూ మళ్లీ గర్బం దాల్చలేదు. అయితే, తనకు రెండో సంతానం కావాలని భర్త ఆశపడటంతో ఆయన ఇద్దరు భార్యలు మూడో పెళ్లి చేసి ఆయన కోరికను తీర్చారు.

విచిత్రమైన ఈ ఘటన ఆంధ్రప్రదేశ్‌లోని అల్లూరి జిల్లాలో చోటుచేసుకుంది. వివరాల్లోకి వెళ్తే.. పెదబయలు మండలంలో కించూడు గ్రామానికి చెందిన పండన్న అనే వ్యక్తి ఇది వరకే రెండు వివాహాలు వివాహాలు. తొలుత పార్వతమ్మ అనే మహిళతో వివాహం కాగా ఆమెకు సంతానం కలగలేదు. పిల్లలు పుట్టలేదనే కారణంతో అప్పలమ్మ అనే మరో మహిళను పండన్న మనువాడాడు. ఈ దంపతులకు 2007లో ఒక బాబు పుట్టగా... ఆ తర్వాత అప్పలమ్మ మళ్లీ తల్లి కాలేదు. కానీ, తనకు ఇంకో సంతానం కావాలని భర్త కోరడంతో అతడి ఇద్దరు భార్యలు స్వయంగా పెళ్లి జరిపించారు.

లావణ్య అనే అమ్మాయిని చూసి సంబంధం ఖాయం చేశారు. వివాహానికి ఆహ్వాన పత్రికలను వేయించి.. భర్తకు మూడో పెళ్లి చేశారు. పెళ్లికి పెద్దలుగా ఇద్దరు భార్యలు వ్యవహరించి.. అంగరంగ వైభవంగా జూన్ 25న వివాహం జరిపించారు. ప్రస్తుతం ఈ వివాహానికి సంబంధించిన ఆహ్వాన పత్రిక సోషల్ మీడియాలో వైరల్ అవుతోంది. పెళ్లి పత్రికలో వధూవరుల ఫోటోతో పాటు తమ ఫోటోలను కూడా ఇరువురు భార్యలు వేయించడం గమనార్హం. అంతా తామై భర్తకు మూడో వివాహం చేసిన ఈ ఇద్దరు భార్యలది గొప్ప మనసుని కొనియాడుతున్నారు.

సతీ సుమతి కుష్టిరోగి అయిన తన భర్త కోసం వేశ్యను తీసుకొచ్చినట్టు పురాణాల్లో మాత్రమే చదువుకున్నామని, ఇప్పుడు ప్రత్యక్షంగా చూస్తున్నామని నెటిజన్లు కామెంట్ చేస్తున్నారు. ఏది ఏమైనా ఈ వివాహం గురించి సోషల్ మీడియాలో ఓ పెద్ద చర్చ జరుగుతోంది. రెండో సంతానం కావాలంటే మరో పెళ్లి చేసుకోవాల్సిన అవసరం ఏముందుని, ఇప్పుడు టెస్ట్‌ట్యూబ్, సర్వోగసీ వంటి ఎన్నో ఆధునిక వైద్య విధానాలు అందుబాటులోకి వచ్చాయిని, వాటి ద్వారా బిడ్డను కనొచ్చని అభిప్రాయం వ్యక్తం చేస్తున్నారు.

ఇటువంటి మరిన్ని వార్తలు సమయం తెలుగులో చదవండి. లేటెస్ట్ వార్తలు, సిటీ వార్తలు, జాతీయ వార్తలు, బిజినెస్ వార్తలు, క్రీడా వార్తలు, రాశిఫలాలు ఇంకా లైఫ్‌స్టైల్ అప్‌డేట్లు మొదలగునవి తెలుసుకోండి. వీడియోలను TimesXP లో చూడండి.

2024-06-30T10:35:42Z dg43tfdfdgfd