ఒకప్పుడు సేల్స్‌మెన్.. ఇప్పుడు 100 కోట్ల ఆస్తి.. అతని భార్య ఎవరో తెలుసా..
అజిత్ తన వ్యక్తిగత జీవితాన్ని కొంత ప్రైవేట్‌గా ఉంచే వ్యక్తి. అతనికి ఎటువంటి ఆడంబరాలు నచ్చవు. ఆయన వీటికి బదులుగా, పని, రోడ్డు ప్రయాణాలు చేస్తుంటారు. అతను తన టీమ్‌తో కలిసి బైక్‌పై వెళ్తాడు. ముఖ్య విషయం ఏమంటే..ఈ నటుడు సోషల్ మీడియాకు కూడా దూరంగా ఉంటాడు. 2001లో అజిత్‌కు ఆయన అభిమానులు తల అనే బిరుదును ఇచ్చారు. అయితే 2021లో కూడా అజిత్ ఆ టైటిల్‌ను తిరస్కరించాడు. ఇకపై అభిమానులు గానీ, మీడియా గానీ నన్ను తలా అని పిలవకూడదని, నా పేరు ముందు ఎలాంటి టైటిల్‌లు వద్దు అంటూ తన పేరు నుంచి తాలా టైటిల్‌ను తొలగించాడు. ప్రస్తుతం సినిమా పరిశ్రమను ఏలుతున్న స్టార్ హీరోలలో చాలామంది ఒకప్పుడు ఆర్థికంగా ఇబ్బంది పడిన వారే. రాజ్ కిరణ్, అక్షయ్ కుమార్ లాంటి కొందరైతే యుక్త వయసులో పొట్టకూటి కోసం చిన్న జీతాలకు కూడా పనిచేశారు. కలలను నెరవేర్చుకోవడానికి వారు చాలా కష్టపడ్డారు. ఈ రోజు మూవీ ఇండస్ట్రీని ఏలుతున్నారు. భారీ పారితోషికాలు అందుకుంటున్నారు. ఈ జాబితాలో ఒక సౌత్ ఫిలిం యాక్టర్ కూడా ఉన్నాడు. ఈ నటుడు 10వ తరగతి కూడా పూర్తి చేయలేదు. ఒకప్పుడు ఒక మెకానిక్‌గా పనిచేసి, ఆ తర్వాత టైలర్ షాప్‌లో సేల్స్ మ్యాన్‌గా పనిచేశాడు. కానీ నేడు ఒక స్టార్ హీరోగా వెలుగొందుతున్నాడు, ఒక్కో సినిమాకు రూ.కోట్లలో పారితోషికం అందుకుంటున్నాడు. అతను మరెవరో కాదు వివేకం, తెగింపు, వలిమై వంటి సినిమాల (డబ్డ్)తో తెలుగు ప్రేక్షకులను అలరించిన అజిత్ కుమార్ (Ajith Kumar) స్కూల్ డ్రాపౌట్ నుంచి సూపర్ స్టార్ వరకు అజిత్ ఇప్పుడు ఒక పాపులర్ కోలీవుడ్ హీరో. ఇప్పటికే అతను 60కి పైగా సినిమాల్లో నటించాడు. వాటిలో ఎన్నో హిట్స్, సూపర్ హిట్స్‌తో ప్రేక్షకులను ఆకట్టుకున్నాడు. పదో తరగతి చదువుతున్నప్పుడే స్కూల్ మానేసి, ఒక ఫ్యామిలీ ఫ్రెండ్ సహాయంతో రాయల్ ఎన్‌ఫీల్డ్ కంపెనీలో మెకానిక్‌గా చేరాడు. అక్కడ ఆరు నెలల పాటు ట్రైనింగ్ తీసుకున్నాడు. కానీ, తండ్రి మంచి ఉద్యోగం చేయాలని కోరారు. దాంతో అజిత్ మెకానిక్ ఉద్యోగాన్ని వదిలివేశాడు. మరొక ఫ్యామిలీ ఫ్రెండ్ గార్మెంట్ ఎక్స్‌పోర్ట్ సంస్థలో అప్రెంటిస్‌గా చేరాడు. క్రమంగా బిజినెస్ డెవలపర్ స్థాయికి ఎదిగాడు, అమ్మకాల పనుల కోసం దేశవ్యాప్తంగా ప్రయాణించాడు. ఈ ప్రయాణాల సమయంలో ఇంగ్లీష్-స్పీకింగ్ స్కిల్స్ మెరుగుపరుచుకున్నాడు. నటుడిగా అవతారం అజిత్ మరో ముగ్గురు భాగస్వాములతో కలిసి ఒక టెక్స్‌టైల్స్ వ్యాపారాన్ని కూడా ప్రారంభించాడు. కానీ ఆ వ్యాపారం సరిగ్గా నడవలేదు, అజిత్ మరొక ఉద్యోగం కోసం చూడాల్సి వచ్చింది. ఈ సమయంలో, అజిత్ తన ఉద్యోగంతో పాటు మోడలింగ్ పనులు కూడా చేయడం ప్రారంభించాడు. హెర్క్యులస్ సైకిల్ అండ్ మోటార్ కంపెనీకి ఒక కమర్షియల్ యాడ్‌లో నటించడానికి ఒప్పుకున్నాడు. ఆ ప్రకటన చిత్రీకరణ సమయంలో సినిమాటోగ్రాఫర్ కమ్ డైరెక్టర్ పి.సి. శ్రీరామ్ అతనిని గుర్తించి సినిమాలోకి ఆహ్వానించాడు. ఆయన సలహాతోనే అజిత్ నటనా రంగంలోకి అడుగుపెట్టాడు. 'ఎన్ వీడు ఎన్ కనవర్ (1990)' సినిమాతో అతని నటనా జీవితం ప్రారంభమైంది. ఇందులో అజిత్ పాత్ర కేవలం ఒక్క నిమిషం మాత్రమే ఉంటుంది. ఆ సినిమాకు మొదటి పారితోషికంగా రూ.2,500 అందుకున్నానని అజిత్ ఓ ఇంటర్వ్యూలో చెప్పాడు.[caption id="attachment_2465242" align="aligncenter" width="1000"] స్టార్ హీరోగా ఎదుగుదల తొలినాళ్లలో అజిత్ కుమార్ చాలా సినిమాల్లో సహాయ నటుడిగా నటించాడు. అలా ఇండస్ట్రీలో సర్వైవ్ అవుతూ ఒకానొక సమయంలో "ఆసై" అనే రొమాంటిక్ థ్రిల్లర్ సినిమాలో హీరోగా నటించే ఛాన్స్ పట్టేసాడు. ఆ మూవీ సూపర్ హిట్ అయ్యింది. అంతే ఈ హీరో ఆ తర్వాత వెనక్కి తిరిగి చూసుకోలేదు. ఈ హీరో నటించిన "ఆరంభం", "వీరమ్", "వేదాళం" వంటి చాలా సినిమాలు 100 కోట్ల రూపాయలకు పైగా వసూలు చేసి అతడి సత్తా చాటాయి. ఆ సినిమాలతో అజిత్ కుమార్ స్టార్ హీరోగా స్థిరపడ్డాడు.[/caption] నేడు అజిత్ కుమార్ తమిళ సినిమాలో రూ.100 కోట్లకు పైగా రెమ్యునరేషన్ అందుకుంటున్న అతికొద్దిమంది యాక్టర్స్‌లో ఒకడిగా నిలుస్తున్నాడు. కొన్ని నివేదికల ప్రకారం, ఈ హ్యాండ్సమ్ హీరో ఒక్క సినిమాకే ఏకంగా రూ.104 కోట్లు పారితోషికం తీసుకుంటాడు. తమిళంలో రజనీకాంత్ రూ.150-210 కోట్లు, కమల్ హాసన్ రూ.100-150 కోట్లు, విజయ్ రూ.130-200 కోట్లు తీసుకుంటూ ఇతర హైయ్యెస్ట్ పెయిడ్ యాక్టర్స్‌గా నిలుస్తున్నారు.
2024-05-02T11:18:37Z
Panchangam Today: నేటి పంచాంగం... ఉదయం ఏ పనులు పెట్టుకోవద్దు..!
నేడు 2024 శుక్రవారం, మే 2, స్వస్తిశ్రీ చంద్రమాన క్రోధి నామ సంవత్సరం, ఉత్తరాయణం, వసంత రుతువు, చైత్ర మాసం, బహుళపక్షం, మౌడ్యకాలం. ఇవాళ 5 గంటల 38 నిమిషాలకు సూర్యోదయం. నేడు సాయంత్రం 6 గంటల 37 నిమిషాలకి సూర్యాస్తమయం అవుతుంది. ఇవాళ తిథి కృష్ణ దశమి రాత్రి 11 గంట 22 నిమిషాల వరకూ ఉంది. తర్వాత ఏకాదశి.వారం: బృగువాసరెనక్షత్రం: శతబిష రాత్రి 12 గంటల 3 నిమిషాల వరకూ ఉంది. తర్వాత పూర్వభద్ర.యోగం: బ్రహ్మ మధ్యాహ్నం 2 గంటల 15 నిమిషాల వరకూ ఉంది. తర్వాత ఐంద్ర. కరణం: వణిజ, మధ్యాహ్నం 12 గంటల 26 నిమిషాల వరకూ ఉంది. తర్వాత భద్ర రాత్రి 11 గంటల 22 నిమిషాల వరకూ ఉంది. తర్వాత బవ. అమృతకాలం సాయంత్రం 5 గంటల 22 నిమిషాల నుంచి 6 గంటల 51 నిమిషాల వరకూ ఉంది. నిజానికి ఈ అమృత కాలాన్ని శుభ సమయం, అమృత ఘడియలుగా పరిగణిస్తారు. దుర్ముహూర్తం ఉదయం 8 గంటల 27 నిమిషాల నుంచి 9 గంటల 57 నిమిషాల వరకు ఉంది. ఇది మంచి ముహూర్తం కాదు. అందువల్ల ఎవరూ ఈ సమయంలో ముహూర్తాలు పెట్టుకోరు. రాహుకాలం సాయంత్రం 3 గంటల నుంచి 4 గంటల 30 నిమిషాల వరకు ఉంది. రాహుకాల సమయంలో చేసే పనులకు ఆటంకం కలుగుతుందని ప్రజలు నమ్ముతారు. కాబట్టి ముఖ్యమైన పనులను ఆ సమయంలో చేయరు. యమ గండకాలం ఉదయం 10 గంటల 30 నుంచి 12 గంటల వరకు ఉంది. ఈ యమగండ కాలాన్ని శుభ సమయంగా పరిగణించరు. యమగండాన్నే కేతుకాలం అని కూడా అంటారు. అన్నింటికన్నా ముఖ్యమైనది వర్జ్యం. వర్జ్యం అంటే విడువ తగినది, అశుభ సమయం. శుభకార్యాలు, ప్రయాణాలు ఈ సమయంలో చేయకూడదు. ఈ రోజు వర్జ్యం ఉదయం 8 గంటల 25 నిమిషాల నుంచి 9 గంటల 16 నిమిషాల వరకూ ఉంది. తిరిగి మధ్యాహ్నం 12 గంటల 38 నిమిషాల నుంచి 1 గంట 29 నిమిషాల వరకు ఉంది. Disclaimer: ఈ కథనం ప్రజల విశ్వాసాలు, ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. న్యూస్18 దీనిని ధృవీకరించలేదు. ఇది కచ్చితంగా వాస్తవమేనని చెప్పేందుకు ఎలాంటి శాస్త్రీయ ఆధారాలూ లేవు.
2024-05-03T00:20:19Z
